Schön, bisch du hie...

Tanzisch du gärn oder würdschs gärn Mau usprobiere? Bisch du uf dr Suechi nach em ne Gruppekurs, wo zahlbar isch und fägt? De bisch hie goldrichtig!

 

Mit über 20 Jahr Tanzerfahrig bini bereit für ne nöii Useforderig und möcht di mit mire Begeischterig fürs Tanze ahstecke.

Ig biete dir einzigartigi Kurse ah, wott di dr Rhythmus la gspüre und di ei bis zwöi Stung ir Wuche dr Alltag la vergässe.

Happy New Year - Nöiijahrsaktion

 

rhythm&soul wünscht öich aune es guets Ahcho im 2026i.

Für öich dr Ihstiig i nes nöis Tanzjahr z erliechtere, gits e exklusivi Nöiijahrsaktion!

Dr ganz Januar 2026 giut: Z zwöit cho und nur für öbber zahle.

Fiiret z zwöit is nöiie Jahr ine und schonet öies Budget ;-)

 

Vo Härze & bis gly - Misch

       "Man muss das Leben Tanzen"

[Friedrich Nietzsche]

Hüfig gsteuti Frage

(FAQ)

Weli Kurse biet ig ah?

Ig biete dir am Mäntigabe vo 19:30-20:30 Uhr StepAerobic ah, dass du aktiv und voller Energie chasch id Wuche starte.

Am Donnschtigabe vo 18:00-19:00 Uhr biet ig dir "Latin-Mix Solo" ah, dass du beschwingt und guet gluunt is Wuchenändi chasch starte.

Wie cha ig mi ahmäude?

Du chasch di online über d Website ahmäude, mir es WhatsApp schribe oder eifach ganz spontan verbii cho.

Was muess ig zu de Kurse mitbringe?

Bring bequemi Sportchleidig mit, eventuell es Handtüechli und sicher öbbis zum Trinke.

Für e StepAerobic Kurs bruchsch zuesätzlich Halleturnschueh und für e Latin-Mix Solo Kurs längt dir es Päärli Socke.

 

Garderobe, WC und Duschi stöh dir vor und nach de Kurse zur Verfüegig.

Für wän si die Kurse dänkt?

Für auii Tanzbegeischterte oder au diejenige, wos möchte wärde ;-)

Du darfsch aus bluetige Ahfänger cho, aus tanzerfahreni Person und genauso aus Tanzprofi.

Wie chumi id Turnhalle bir Brunnmatt?

Mit em Pincode (rächts vor em Turnhalleihgang): 3058 oder 3402

Dr Code isch jewiius 10 Minute vor Kursahfang gültig.

Wie chumi vor Töifgarage is Secret Dance?

Mit em Code 1908 chasch du problemlos und bequem ir Töifgarage vom SeelandCenter in Lyss parkiere.

Standort Bern

"rhythm and soul"

Latin-Mix Solo, immer am Donnschtig

 

Gymnastikraum Brunnmatt

Brunnmattstrasse 16
3007 Bern, Schweiz

Standort Lyss

"rhythm and soul"

Step Aerobic, immer am Mäntig

 

Secret Dance GmbH

Bielstrasse 9
3250 Lyss, Schweiz

 

Kontakt

Für d Amäudig zu de Kurse oder bi Frage darfsch du mi gärn kontaktiere. 

Über mi

Bi "rhythm&soul" dräiht sich aues um d Verbindig vo Tanz und Fitness. Mit über 20 Jahr Tanzerfahrig möcht ig mirs zur Ufgab mache, mini Liideschaft und Fröid am Tanze wyter z gäh.

Mini Kurse biete die perfekti Mischig us körperlicher Ahsträngig, mitriissender Musig und einzigartige Choreographie.

Mini Mission isch es, di fit z mache, dir d Fröid am Tanze nächer z bringe und di dr Alltag la z vergässe.

Lah di vo mine energiegladne Kurse la inspiriere und erläb, wie s Tanze dis Läbe cha verändere - "feel the rhythm & free your soul".